სამართლიანად ჩატარდა თუ არა არჩევნები
ლეილა ალიევა ქართული კულტურის განვითარებაში შეტანილი წვლილისთვის დაჯილდოვდა
27-03-2019
საქართველოს განათლების, მეცნიერების, კულტურისა და სპორტის მინისტრის პირველი მოადგილე, მიხეილ გიორგაძე , მირზა ფათალი ახუნდოვის აზერბაიჯანული კულტურის მუზეუმს ეწვია და მუზეუმის დირექტორს, ლეილა ალიევას ქართული კულტურის განვითარებაში შეტანილი განსაკუთრებული წვლილისთვის სამინისტროს უმაღლესი ჯილდო „ხელოვნების ქურუმი“ გადასცა.
ლეილა ალიევა მრავალი წელია აქტიურადაა ჩაბმული საზოგადოებრივ საქმიანობაში. იგი პირველი აზერბაიჯანელი ქალბატონია, რომელსაც 2016 წელს ტოლერანტის წოდება მიენიჭა. 2000 წლიდან ეწევა ქველმოქმედებას.
იყო არასამთავრობო ორგანიზაციის „საქართველოს აზერბაიჯანელთა ცენტრი რეფორმების ხელშეწყობისათვის“ თავმჯდომარე, რომლის მიზანსაც ქვეყნის კეთილდღეობისა და აღმშენებლობის საქმეში საქართველოს აზერბაიჯანელების აქტიური ჩართვა წარმოადგენდა.
