გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    მარტი 2024    »
 123
45678910
11121314151617
18192021222324
25262728293031

ახალციხის მუნიციპალიტეტში ,,სოფლის მხარდაჭერის პროგრამის“ მეორე ეტაპი იწყება

28-03-2019

საკრებულოს მიერ უკვე განხილული და დამტკიცებულია ,,სოფლის მხარდაჭერის პროგრამის“ ფარგლებში დასაფინანსებელი პროექტების ნუსხა. აღნიშნული პროექტები 15 ადმინისტრაციული ერთეულის, 46 დასახლებაში მაცხოვრებლებმა სოფლის საერთო კრებებზე ხმათა უმრავლესობით შეარჩიეს.


მოსახლეობის მიერ არჩეულ პრიორიტეტებს შორისაა: სასმელი წყლის რეზერვუარისა და სანიაღვრე არხის რეაბილიტაცია, სარწყავი სისტემების რეაბილიტაცია, არსებული სკვერებისა და სასაფლაოს ღობის აღდგენა, გარე განათების ქსელის მოწყობა, მგზავრთა მოსაცდელების მშენებლობა, ხიდების შეკეთება, შიდა გზების მოხრეშვა და სხვა.


ახალციხის მუნიციპალიტეტის საკრებულოს მიერ დამტკიცებულ პროექტებზე შესაბამისი საპროექტო და სამშენებლო სამუშაოები 1 აპრილის შემდეგ ეტაპობრივად დაიწყება. შერჩეული პროექტების განხორციელებას, ცენტრალური ბიუჯეტიდან 612 ათასი, ადგილობრივი ბიუჯეტიდან კი 240 ათასი ლარი მოხმარდება.


ქვეყნის მასშტაბით ,,სოფლის მხარდაჭერის პროგრამის“ ფარგლებში, 3700 სოფლის მცხოვრებმა თავად გადაწყვიტა, თუ როგორ დაიხარჯება პროგრამისთვის გამოყოფილი 40 მილიონი ლარი. შედეგად, სოფლის კრებებზე მიღებულია 2 300-ზე მეტი გადაწყვეტილება მცირე ინფრასტრუქტურული პროექტების განხორციელების შესახებ. „სოფლის მხარდაჭერის პროგრამის“ მიმდინარეობისა და შესრულების საერთო კოორდინაციას და მონიტორინგს რეგიონული განვითარებისა და ინფრასტრუქტურის სამინისტრო განახორციელებს.