სენაკში ზვიად გამსახურდიას 80 წლის იუბილესა და რეფერენდუმის ჩატარების 28 წლისთავთან დაკავშირებით ღონისძიებები იგეგმება

29-03-2019

31 მარტი საქართველოს პირველი პრეზიდენტის, ზვიად გამსახურდიას დაბადების დღეა.

წელს საქართველოს დამოუკიდებლობის აღდგენის საყოველთაო რეფერენდუმის ჩატარებიდან 28 წელი გავიდა.

ამ მოვლენებთან დაკავშირებით სენაკის მუნიციპალიტეტში სხვადასხვა ღონისძიებაა დაგეგმილი.

დღეს, 29 მარტს, საჯარო ბიბლიოთეკაში თემატური ღონისძიება გაიმართება.

31 მარტს კი სენაკის საკათედრო ტაძარში საქართველოს პირველი პრეზიდენტის სულის მოსახსენიებელი პანაშვიდი ჩატარდება.

გარდა ამისა, დაგეგმილია ტურნირი ბერძნულ-რომაულ ჭიდაობაში, ხელოვნების სამუსიკო სკოლის გალაკონცერტი და გამოფენა - "შეხვედრა ეროვნული მოძრაობის წარმომადგენლებთან".