გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    დეკემბერი 2019    »
 1
2345678
9101112131415
16171819202122
23242526272829
3031 

პროექტის "ჩაერთე მონაწილეობითი ბიუჯეტირების პროცესში" შესახებ ახალციხის მუნიციპალიტეტში საინფორმაციო შეხვედრა გაიმართა

18-04-2019

დღეს ახალციხის სამუსიკო სკოლის დარბაზში ახალციხის მუნიციპალიტეტის მერიის ორგანიზებით პროექტის "ჩაერთე მონაწილეობითი ბიუჯეტირების პროცესში" ახალი ეტაპის დაწყების შესახებ საინფორმაციო შეხვედრა გაიმართა.


მუნიციპალიტეტის მაცხოვრებლებს, არასამთავრობო ორგანიზაციების, მედიისა და დაინტერესებული ჯფუფების წარმომადგენლებს მუნიციპალიტეტის მერმა, ზაზა მელიქიძემ, მერის პირველმა მოადგილემ, გურამ მელიქიძემ და მხარდამჭერი ორგანიზაციის, USAID-ის დემოკრატიული მმართველობის ინიციატივის (GGI) დირექტორმა, ლევან სამადაშვილმა, პროექტის შესახებ დეტალური ინფორმაცია გააცნეს.


პროექტში მოსახლეობას ჩართულობის მნიშვნელობაზე ისაუბრეს ახალციხის მუნიციპალიტეტის საკრებულოს თავმჯდომარემ, გელა ნოზაძემ და გასულ წელს გამარჯვებული ინიციატივის ავტორმა, თამარ კაპანაძემ.


ადგილობრივი ბიუჯეტის დაგეგმვის პროცესში მოქალაქეთა ჩართულობის ზრდისთვის ახალციხის მუნიციპალიტეტმა ელექტრონულ მექანიზმს მიმართა, რომელიც საპროექტო იდეების წარდგენისა და მათთვის ხმის მიცემის სისტემას წარმოადგენს.


სისტემა "ვოლისი" USAID GGI-ს, IDFI-ს და ესტონეთის "ელექტრონული მმართვლობის აკადემიის" მხარდაჭერით ამოქმედდა.


პროექტი მეორე წელია ხორციელდება და ახალციხის მოქალაქეებს ადგილობრივი ბიუჯეტის დაგეგმვის პროცესში უშუალო მონაწილეობის, მათთვის მნიშვნელოვანი, პრიორიტეტული საკითხების წარმოჩენისა და განხორციელების რეალურ შესაძლებლობას აძლევს.


გამარჯვებული ინიციატივებისა და იდეების დაფინანსება ახალციხის მუნიციპალიტეტის მომავალი 2020 წლის ბიუჯეტში იქნება გათვალისწინებული.


შეხვედრაზე აღინიშნა, რომ, გამარჯვებული ინიციატივის გარდა, პროექტის მიმდინარეობის დროს შემოსული სხვა წინადადებებიც ასახული იქნება მუნიციპალიტეტის განვითარების 3- წლიან სამოქმედო გეგმაში და შესაბამისადაც განხორციელდება.